বসন্তৰ স্তবক (নৱ কোঁৱৰ)

বসন্তৰ স্তবক  (নৱ কোঁৱৰ)

বসন্তৰ স্তবক (নৱ কোঁৱৰ)

by April 16, 2015 0 comments

()

সৰা পাতত খোজ দিলে
শব্দ নকৰে
এতিয়া বসন্তকাল।
নাহৰৰ ৰঙা পাতত লিখা থাকে
বসন্তৰ বাতৰি
আৰু লিখা থাকে
নাচনিৰ টোলপৰা গালৰ হাঁহিৰ অৰ্থ
ঢুলীয়াৰ কলিজাৰ ঢপঢপনি
কুহুমীয়া মনৰ বতৰা

()
বসন্তত মেঘে বৰকৈ নগাজে
এনেয়ে বৰষুণ আহে।
বৰষুণলৈ ভয় নাই
ধুমুহালৈহে ভয়
বৰদৈচিলা কেনেকৈ যে আহে
গছবন চালবেৰ একো নামানে

()
হীৰামন দাইতিৰ দুখ
হেতুলুকা চৰাইবোৰ নাই
তথাপি মুগাখেতি বেয়া

ঘিলা পিঠাত গুৰ নহ’লেও হ’ব
জলপানৰ বাতিত দৈ কম হ’লেও হ’ব
ভাতৰ পাতত মঙহ নহ’লেও হ’ব
আইজনী গাভৰু হ’ল
ৰঙালীৰ ৰং সানিবলে’
ৰঙা বুটাৰ মুগাৰ এসাঁজ দিলেই হ’ব

Comments

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.