বানৰ দিনবোৰ -নিবিড় অনুৰাগ মানস

বানৰ দিনবোৰ   -নিবিড় অনুৰাগ মানস

বানৰ দিনবোৰ -নিবিড় অনুৰাগ মানস

by July 17, 2017 0 comments

কটাৰীয়ে কাটি কাটি আকাশৰ বাও ধান

মই দাৱনীয়ে মৰা নাই মৰণা
কাঁচি লাগি বলিয়া হ’ল বান৷
গাই নদীৰ ঢৌ লাগি
সৰি পৰিল পিতাইৰ নাঙলৰ মাটি
হাবি এৰি ঘৰ ভাঙি আছেহি বলিয়া হাতী৷
ঘৰলৈ পানী নাই
মুখলৈ মাত
গোটেই পদূলি মূৰত পানীৰ হাট৷
গোটা কৰাই দিবলৈ
বটা চৰাই নাই
কাৰোবাৰ চিটিকাত ভোজ হ’ল তাই৷
কলেৰা, গ্ৰহণীৰ উজানত হেৰাইছে মুখৰ মাত
সজাল ধৰি মৰি যোৱা ভূঁইয়ে কান্দিছে
মাটি আৰু বালিৰ ছাঁত৷
বানে এৰি যোৱা ৰাতিয়ে
এতিয়া নকয় গানৰ ভয়
গাঁওখন কঁপি আছে
চৌপাশে যেন নৈ নৈ………৷

Comments

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.