মৰ্মান্তিক -ৰাজীৱ ডেকা

মৰ্মান্তিক    -ৰাজীৱ ডেকা

মৰ্মান্তিক -ৰাজীৱ ডেকা

by July 17, 2017 1 comment

লেঙেৰা দুপৰীয়াটো

মটিয়া কুকুৰটোৰ দৰে জিভা উলিয়াই
কঁপি আছিল পাৰৰ পকা চপৰাবোৰত বহি

কাঠখোলা এটাই খুটি খুটি খুলি
হাঁড়ৰ মজ্জাত পোকটো বিচাৰিছিল

ৰ’দৰ ফেৰীৱালা জিঁয়াবোৰে
মানুহৰ থৰ পৰা চকুবোৰত
বহিছিল ভাগৰুৱা পাখি মেলি

উৎসুক দৰ্শকৰ নিশ্বাসত লাহে লাহে
পুণীবোৰ শুকাবলৈ লৈছিল
ওপঙি থকা ঢেলা শৰীৰটোত

তেতিয়াই মুকলি হৈ পৰিছিল
তাইৰ ফটা কাপোৰচটাত কোঁচ খাই থকা
যোৱাৰাতিৰ তেজলগা চিঞৰবোৰ

কোনোবাই ক’লে-
তাই ধুনীয়া আছিল৷

Comments

1 Comment so far

Jump into a conversation
  1. U
    #1 U 11 August, 2017, 23:16

    Veto ajfc

Your data will be safe!Your e-mail address will not be published. Also other data will not be shared with third person.