ৰাধা -স্মৃতিমালা শৰ্মা

ৰাধা  -স্মৃতিমালা শৰ্মা

ৰাধা -স্মৃতিমালা শৰ্মা

by July 17, 2017 0 comments

তোমাৰ পাটৰাণী হোৱাৰ বাসনা

মোৰ নাছিল,
দ্বাৰকাৰ সিংহাসনত তোমাৰ কাষত বহাৰ ইচ্ছাও
মোৰ নাছিল৷
তুমি যদি সূৰ্য্য, এমুঠি কিৰণ মই
তুমি যদি চন্দ্ৰ, এছাটি জোনাক মই৷
তোমাৰ নামৰ সেন্দূৰ পিন্ধাৰ অলীককল্পনা
মোৰ নাছিল,
ৰাজপ্ৰসাদৰ বাঘজৰী লোৱাৰ হাবিয়াসো
মোৰ নাছিল৷
তুমি যদি ডাৱৰ, এজাক বৰষুণ মই
তুমি যদি বাঁহী, এটি কৰুণ সুৰ মই৷
ৰুক্মিণী অথবা সত্যভমা হোৱাৰ সপোন
মোৰ নাছিল,
তোমাৰ আলিংগনত বিগলিত হোৱাৰ আকাংক্ষাও
মোৰ নাছিল৷
তুমি যদি প্ৰেমিক, একাঁজলি প্ৰেম মই
তুমি যদি অৰণ্য, বনৰীয়া ফুল মই৷
স্বৰ্গৰ পাৰিজাত পোৱাৰ কামনা
মোৰ নাছিল,
তোমাৰ ষোল্লশ গোপীনীক লৈ ঈৰ্ষাও
মোৰ নাছিল৷
তুমি যদি যমুনা, এচলু জলধাৰা মই
তুমি যদি বতাহ, এটি সুগন্ধি মই৷
মই স্বৰ্গীয় প্ৰেমৰ পূজাৰিণী,
মই হৃদয়ৰ তপস্বিনী,
যুগে যুগে তোমাৰ উপাসৃতা মই
তোমাৰ আত্মাৰ সাৰথি মই
মই ৰাধা, মই ৰাধা৷

Comments

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.