সপোন ভগা মানুহবোৰ-ঐশ্বৰ্য অমিতাভ

সপোন ভগা মানুহবোৰ-ঐশ্বৰ্য অমিতাভ

সপোন ভগা মানুহবোৰ-ঐশ্বৰ্য অমিতাভ

by November 17, 2017 0 comments

 

প্ৰিয়তম সপোনে খোপনি হেৰুওৱা
এক অসতৰ্ক মূহূৰ্ত্তত
পুতৌ কৰা যায় নে জীৱনক
উচপিচনি চেপাত গধুৰ হৈ পৰা
স্মৃতিকাতৰ সময়ক ফাঁকি দি
উদযাপিত হয় নে উশাহ?

সমষ্ট দুখবোধক
হাঁহি এটাত লেটিয়াই ভজা
সুখী জীৱনৰ গৰম ব্যঞ্জন
সোৱাদ আৰু পৰিবেশনৰ
তৃপ্তি থাকে জানো তাত?

সৰু জীৱন এটাকো
সীমিত কৰাৰ তাগিদাত
যন্ত্ৰৱৎ চলে
একাকিত্বৰ অনুশীলন৷

উশাহ বুলি হুমুনিয়াহেৰে বুকু ভৰাই
সপোন ভগা মানুহবোৰে
নিজৰ মাজতেই নিজক হেৰুৱায়
আঁৰকাপোৰ টানি টানি
প্ৰতিনিয়ত
পৰিশীলিত জীৱনৰ আখৰা কৰে৷■■

Comments

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.