যিটো আবেলি আমি হেৰুৱালো – মূলঃপাবলো নেৰুদা- ভাবানুবাদঃমধুমণি কলিতা

যিটো আবেলি আমি হেৰুৱালো – মূলঃপাবলো নেৰুদা- ভাবানুবাদঃমধুমণি কলিতা

যিটো আবেলি আমি হেৰুৱালো – মূলঃপাবলো নেৰুদা- ভাবানুবাদঃমধুমণি কলিতা

by December 17, 2017 0 comments

নীলা ৰঙৰ ৰাতিটো নামি থাকোঁতে
আবেলিৰ কাণিমুণি খিনিত
আজি কোনেও নেদেখিলে আমাক
হাতে হাত ধৰি খোজ কঢ়া

আজি আবেলিও
মই মোৰ খোলা খিৰিকীৰে অকলেই
উপভোগ কৰিলোঁ পাহাৰখনৰ সিটো পাৰে আৰম্ভ হোৱা
অন্য এটা সূৰ্য্যাস্তৰ উৎসৱ

এতিয়া প্ৰায়েই জ্বলি ওঠে মোৰ দুহাতৰ
মাজৰ শূন্যতা খিনি
মই যেন মুঠি মাৰি ধৰি থাকোঁ
জ্বলন্ত বেলিৰ দৰে এটা
উত্তপ্ত পাতি পইচা

তুমিতো জানা তুমি গুচি যোৱাৰ
পাছৰে পৰাই
কিমান দুখ আৰু গ্লানিত ভূগি আছোঁ
এতিয়া তোমালৈ মনত পেলাই
মোৰ ভিতৰৰ মানুহটোৱে
তাত ডুবি ডুবি নিজকে
নিকা কৰিছে

এতিয়া কিন্তু তুমি নাই
মই নাজানো তুমি ক’ত
কাৰ সৈতে উপভোগ কৰা আবেলি বোৰ

বৰ বেদনাদায়ক এই বাঢ়ি অহা আকৰ্ষণ
তুমি আঁতৰি যোৱাৰ দুখ যিমানেই বাঢ়িছে
সিমানেই বেছি স্মৃতি কাতৰ হৈছোঁ
আৰু সাঁচি গৈ আছোঁ তুমিহীনতাত
বাঢ়ি অহা এই অবুজন ভাল পোৱা

একেদৰেই কটাই আহিছোঁ প্ৰতিটো একাকী আবেলি
মেলি লৈয়ো পঢ়া হোৱা নাই
প্ৰিয় কবিতাৰ পুথি
আঘাত লগা কুকুৰৰ দৰে
মোৰ ভৰিত পৰি ৰয় মূৰৰ সেই
নীলা ৰঙৰ টুপী
যি তোমাৰ প্ৰিয় আছিল

সদায়ে দেখাৰ দৰে আজি আবেলিও তোমাক দেখিছিলোঁ
খোজত খোজ দি ক্ৰমশঃ দূৰ হৈ গৈ থ’কা
আৰু আবেলিৰ কাণিমুণি খিনিত নোহোৱা হৈ পৰা তোমাৰ ছাঁ এটা ৷

☆★☆

Comments

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.