অভিমান – চয়নিকা শইকীয়া

তুমি দুচকুৰে

ঋতু সলাওঁতে

মই

উম-এৰা সময় হৈ

নিলগতে ৰʼলোঁ,

মইতো তোমাৰ

ব’হাগ নহয়

যে

ছাটি মাৰি দুচকুৰে

সিঁচি যাবা

বনফুলৰ সপোন।

তুমি

আকৌ দুচকুৰে

ঋতু সলোৱা যদি

মই

ৰহ-দিয়া সময় হৈ

নিলগতে ৰʼম,

হʼব নোখোজোঁ মই

কচুপাতৰ বাখৰ যেন

খন্তেকীয়া আৱেগ,

তুমি

লাহী আঙুলিৰে

লিৰিকি চাব খোজা

জিলিকা হেঁপাহ।

০০০০০

Subscribe
Notify of
0 Comments
Inline Feedbacks
View all comments
কপি নকৰিব, অনুগ্ৰহ কৰি লিংকটো বিলাই দিয়ক