চোৰ – মুলঃ Brad combs ( ব্ৰেড কোম্বচ্) -অনুবাদঃ কাৱেৰী কাশ্যপ বৰা

 

মোৰ বন্ধু আৰু পৰিয়ালৰ বাবে
মোৰ আচল পৰিচয় সেয়া
যি মোক মই হিচাপে তৈয়াৰ কৰে

মই মোৰ পৰিচয়ক চুৰ কৰিলো
চুৰ কৰিলো মোৰ ব্যক্তিত্ব
যাৰ বাবে মই জীয়াইছিলো, যাৰ বাবে উশাহ লৈছিলো
যাৰ বাবে যুদ্ধ কৰিছিলো, যাৰ বাবে মৃত্যুবৰণ কৰিছিলো

যদি মোৰ আত্মাৰ বাবে নহয়
তেন্তে মই আকৌ এবাৰ হেৰাই যাম
কাৰণ মোৰ সঁচা পৰিচয়ে মোক খেদি দিছে
খেদি দিছে এটি অন্য পৰিচয়ৰ বাবে

সেয়া নাচি থকা এটা ছাঁয়া যাৰ সৈতে তুমি খেলা
য’ত দেখা নিজৰ সৌন্দৰ্য অথবা শত্ৰুতা
মই তোমাৰ সহনশীলতা চাৱ খোজো
সেইটো সূচীত, য’ত তুমি আটাইতকৈ বেছি হতাশ হোৱা

যেতিয়া মই নিজৰ ভিতৰলৈ চাওঁ
মোৰ অন্তৰাত্মাৰ আচল পৰিচয় বিচাৰো
তেতিয়ালৈকে মই কাকো দোষী সজাব নোৱাৰো
দূষিব নোৱাৰো মোৰ দুৰ্ভাগ্যৰ বাবে৷

ময়েই মোৰ পৰিচয়ৰ চোৰ৷

Subscribe
Notify of
0 Comments
Inline Feedbacks
View all comments
কপি নকৰিব, অনুগ্ৰহ কৰি লিংকটো বিলাই দিয়ক