তুমি যাবাগৈ বুলি… (মনচুমি হাজৰিকা)


তুমি যাবাগৈ বুলি জানি
ওৰে ৰাতি দুৱাৰডলিত বহি
পৰ দি আছিলোঁ
তোমাৰ আইয়ে
উকা চাদৰৰ আঁচলেৰে চকুটো
বাৰে বাৰে মচিছিল;
যেন অতীতৰ কুটা এডালে
তেওঁৰ চকুত বৰকৈ আমনি কৰিছিল
মোৰ কপালৰ পুৱাৰ হেঙুল বেলিটি
পশ্চিমৰ আকাশত ডুব যোৱা দেখি
তেওঁ বাৰে বাৰে কঁপিছে….

মই ৰৈ আছোঁ
তোমাৰ শেঁতা পৰা মুখলৈ চাই
ফাগুণে নাঙঠ কৰা
উদং বুকুখন লৈ….
 

Subscribe
Notify of
3 Comments
Oldest
Newest Most Voted
Inline Feedbacks
View all comments
Jyoti Rajkhowa
8 years ago

ভাল লাগিল………সুন্দৰ

Maanashjyoti
8 years ago

tumar buku udong kori/
keneke jao?/
kopalor beli2 dub jowa/
keneke sao…
(monsumi hazarika r kobita2 vallagil)

8 years ago

bahut bhal lagil…