প্ৰেমৰ লিমাৰিক…. ( ধৰ্মজ্যোতি ভট্টাচাৰ্য )

Premor limerick_Dharmajyoti

তোমাক নাপালে লিখিম মই বিৰহৰ লিমাৰিক

তোমাক হেৰুৱালে হ’মগৈ মই সাগৰৰ নাবিক

জাহাজেই হ’ব মোৰ সংগী

দাৰ্শনিকৰ দৰে হ’ব মোৰ ভংগী

দাড়িয়ে গোঁফে ভোবোকাৰ হৈ সুঁৱৰিম তোমাৰ ছবিক।

স্মৃতিবোৰে উক দিয়ে দেখিলে তোমাৰ হাঁহি

প্ৰতিনিশা বজাওঁ মই আবেগৰ কৰুণ বাঁহী

আশাৰ পথাৰত কঁঠীয়া সিঁচি

জোনাকী কাৰেঙত সপোন ৰচি

প্ৰেম পিয়াসী মই যেন সন্ধিয়াৰ এটি বালিমাহী।

কেনেকৈ আদৰিম মই তোমাক মোৰ মৰমৰে জোন

মূৰত থ’লে ওকণিয়ে খায় মাটিতো পিপৰা দেখোন

পলে পলে বাঢ়ে মৰম

বুজি নাপাওঁ ঠাণ্ডা-গৰম

কাষতেই বিচাৰোঁ তোমাক অ’ কলিজাৰ কেঁচা সোণ।

Subscribe
Notify of
0 Comments
Inline Feedbacks
View all comments