আহক, এটা শোক-প্ৰস্তাব লওঁ (দ্বিজেন্দ্ৰ নাথ শৰ্মা)

আহক, এটা শোকপ্ৰস্তাৱ লওঁ

  • দ্বিজেন্দ্ৰ নাথ শৰ্মা


আহক, আমি এটা শোকপ্ৰস্তা লওঁ !
এক মিনিট মৌনতা ৰাখি
মৃতকৰ সদ্গতি কামনা কৰোঁ,
দুষাৰ শোকগাথা আওঁৰাই
বিদেহীৰ চিৰ বিদায় নিশ্চিত কৰোঁ,
আহক, মোৰ মৃত্যুৰ শোকপ্ৰস্তা লওঁ
আচৰিত নহ,
মই জানো মোৰ মৃত্যুত কোনেও
শোকপ্ৰস্তা নলয়,
নুটুকে কোনেও ঘৰিয়ালৰ চকুলো
মোৰ মৃত্যু হয় নিৰৱে
পলে পলে প্ৰতিপলে
মৃত্যু হয় তৰা বছা জুপুৰীত
আবাল বৃদ্ধ বনিতাৰ
আশা শুকোৱা দুখৰ পুখুৰীত
মোৰ মৃত্যু হয় আন্ধাৰ গলিত,
নি:সহায় নাৰীৰ কাতৰ চিৎকাৰত
মোৰ মৃত্যু হয় আৰ্তজনৰ মিচিলত,
চাবুকত নিগৰা শোণিতত
মোৰ মৃত্যু হয় বুভুক্ষা শিশুৰ
মৰণকাতৰ আৰ্তনাদত
পলে অনুপলে মৰো মই,
পলকতে হেৰাই যাওঁ
কোনেও মোৰ মৃত্যুত শোকপ্ৰস্তা নলয়,
কোনেও নুটুকে চকুলো,
দৰদ ভাষাত কোনেও
নজনায় বিদায় সম্ভাষণ
আহক, আজি মোৰ মৃত্যুৰ
এটা শোকপ্ৰস্তা লওঁ !

 

 

Leave a Reply

Your email address will not be published. Required fields are marked *

Don`t copy text!