তিনিটা স্তৱক ( নৱ কোঁৱৰ )

—(১)—

স্থিৰ নদীখনলৈ চালো

ধীৰ গতিৰ সোঁত, চকুৰে নমনি…

নদীৰ সোঁতত বিভোৰ হৈ

শুকান পাৰত ৰৈ গলো মই

তুমি গ’লা উটি, সোঁতৰ সৈতে

লক্ষ্য হয়তু দূৰ দূৰণি…………

—(২)—

তেতিয়া পূজাৰ আৰতি সপ্তমত

আৰু সি…

বিচাৰি ফুৰিছিল শামুকৰ খোলা

কোনোবা সমুদ্ৰৰ শুকান তীৰত…

নতুবা এক ফিনিক্স পক্ষী

নীল সাগৰৰ ধূসৰ দিগবলয়ত…..

—(৩)—

বতাহত উৰে কমোৱা তুলা

ছবিঘৰত নিতৌ ন ন চিনেমা

চেঁচা বতৰত

একাপ গৰম কফিত তপত চুমা…..

সাঁচতিয়া জেপত উদং আয়ু ৰেখা..