প্ৰেম – লিপিকা গগৈ

বাউলি ৰাধা ঐ

তোৰ বাবেই খোলা থাকিল

কানাইৰ হৃদয়ৰ দ্বিতীয়খন দুৱাৰ

আৰু তোৰ অন্তেষপুৰত…
ৰৈ ৰৈ বাজি থাকিল

গৰখীয়া বাঁহীৰ কৰুণ সুৰ৷

ৰুক্মিণীৰ হৰণত

কঁপিছিল নে তোৰ হিয়া?

নে আজলী নাৰী হৈ

কানাইৰ মোহত মুগ্ধ হিয়াত

বিশ্বাসৰ শলিতা জোৰকৈ জ্বলিছিল!

তোৰ ত্যাগৰ সেই বিশ্ববন্দনাত

আজিও আছে শত শত ৰাধিকা নাৰী৷

কপালত ৰাঙলী তিলক আঁকি

আজিও আছে হাজাৰজনী ৰুক্মিণী৷

মনিষীয়েও কয় “সকলো থকাৰ পাছতো হৃদয়ৰ দ্বিতীয়খন দুৱাৰ কিয় খুলি যায়!”

এই প্ৰশ্নৰ উত্তৰেই স্বয়ং কানাই৷

Leave a Reply

Your email address will not be published. Required fields are marked *

Don`t copy text!