সোঁৱৰণিৰ স্তৱক (-নৱ কুমাৰ চমুৱা)

সোঁৱৰণিৰ স্তৱক

নৱ কুমাৰ চমুৱা

 

১.

প্ৰতিটো সুখানুভূতি আৰু প্ৰশান্তিৰ বৰচাপৰিৰ সিপাৰে
জিৰি জিৰিকৈ বৈ আছে মোৰ দুখৰ বৰলুইত

 

সোঁৱৰণিৰ এছাটি বতাহে

চাকৈ চকোৱা হৈ বাৰে বাৰে

মোৰ দুখৰ লুইতত জলকেলি কৰে

২.

অদহে-বদহে ঘুৰি ফুৰা ল’ৰালিৰ পথাৰখনৰ

সোঁৱৰণি এটা

ছোঁ মাৰি আহিছে নীলকণ্ঠ চৰাই এজনী হৈ

 

লেছেৰি বুটলা দিনৰ ল’ৰা এটা আহি

খলকনি তুলিছে মোৰ বুকুৰ দুপৰৰ নিজান চোতাল।

 

One thought on “সোঁৱৰণিৰ স্তৱক (-নৱ কুমাৰ চমুৱা)

  • June 21, 2018 at 6:39 pm
    Permalink

    ভাল লাগিল।

    Reply

Leave a Reply

Your email address will not be published. Required fields are marked *

Don`t copy text!