এটা চিউড' ৰোমান্টিক অকবিতা (- ধ্ৰুৱজ্যোতি বাৰিক)

 
তুমি যিটো বুজাব বিচাৰিছা মই বুজিব নিবিচাৰো
নুবুজাকৈয়েতো পাৰহৈ গৈছিল
হাজাৰটা বসন্ত ……
হাজাৰটা বসন্তৰ পিছত আকৌ হাজাৰটা শীত নামিছিল
একো নুবুজাকৈয়ে …..
kobita dhrubajyoti barik jpg
মই বুজিব নিবিচাৰো
আকাশত পূর্ণিমাৰ পিছত অমাৱস্যাও হয়৷
মই বুজিব নিবিচাৰো
সপোনবোৰৰ মাজত দু:স্বপ্নবোৰো লুকাই থাকে ৷
আৰু হাজাৰটা বছৰ বিষাদৰ শীত নিদ্রাত থাকিব নিবিচাৰো !!!
মই বুজিব নিবিচাৰো
আপোন মানুহবোৰো এটা সময়ত হেৰাই যায় ৷
শৰতৰ শেৱালিকোমল পুৱাবোৰৰ দৰেই
জীপাল হৈ থাকিব নোৱাৰে নে এই মূহুর্তবোৰ ?
ওৰে জীৱন তুমি আৰু মই এইদৰেই নাওঁ বাই থাকিব নোৱাৰোনে ??
মই বুজিব নিবিচাৰো
এই মূহুর্তবোৰৰো মৃত্যু আছে !!
মই মাথোঁ সেইবোৰেই বুজিব বিচাৰো
যিবোৰ তুমি বুজাব নিবিচাৰা !!!
 
 

One thought on “এটা চিউড' ৰোমান্টিক অকবিতা (- ধ্ৰুৱজ্যোতি বাৰিক)

  • November 14, 2014 at 12:54 am
    Permalink

    Suprb.বৰ ভাল লাগিছে দে |… Add more . Make it a tsunami of writing poetry

    Reply

Leave a Reply

Your email address will not be published. Required fields are marked *

Don`t copy text!