গুগলত অসমীয়া ৱেবপেজ বিচাৰিবলৈ এটি সহজ কিটিপ -( সত্যজিত নাথ)

গুগলত অসমীয়া ৱেবপেজ বিচাৰিবলৈ এটি সহজ কিটিপ
-( সত্যজিত নাথ)

অসমীয়া ৱেবপেজ বিচাৰিবলৈ, গুগলত (আৰু বোধহয় আন ইন্টাৰনেটৰ সন্ধানী যন্ত্ৰ বা চার্ছ ইঞ্জিনতো) এটি সহজ কিটিপ ব্যৱহাৰ কৰিব পাৰি । এই কিটিপটো উল্লেখযোগ্য, কাৰণ গুগলে এতিয়ালৈকে অসমীয়া ভাষাক অনুমোদিত ‘search language’ বা সন্ধানী ভাষা হিচাপে গ্রহণ কৰা নাই ।
কিটিপটো এনেকুৱা – অসমীয়া শব্দটো বা শব্দখিনি গুগলত নিয়মিত ভাবে টাইপ কৰি ‘ৰ’ আখৰটো আন এটা শব্দ হিছাপে শেষত যোগ লগাই দিব – সিমানখিনিয়ে |
উদাহৰণ হিছাপে, অসমীয়া কবিতা থকা ৱেবপেজ বিচাৰিবলৈ, গুগলত ‘কবিতা ৰ’ টাইপ কৰি দিব |
মাত্র ‘কবিতা’ ব্যৱহাৰ কৰিলে, গুগলে অনুসন্ধানৰ ফলৰ তালিকাত বেছিভাগ বঙালী ভাষাত লিখা কবিতাৰ ৱেবপেজবোৰ দেখুৱাব । ইয়াৰ কাৰণ হ’ল যে অসমীয়াৰ তুলনাত বর্তমানে ইন্টাৰনেটত বঙালী ভাষাৰ ৱেবপেজ বেছি পৰিমাণত আছে ।
কিন্তু, ‘কবিতা ৰ’ ব্যবহাৰ কৰিলে, অনুসন্ধানৰ ফলৰ তালিকাত নিশ্চয় অসমীযা কবিতাৰ ৱেবপেজবোৰহে ওলাব, কাৰণ ‘ৰ’ আখৰটো মাত্র অসমীয়া ভাষাত ব্যবহাৰ হয় |

গুগলত এই দুটি উদাহৰণ চার্ছৰ লিংক ইয়াতে দিযা হল:
– ‘ৰ’ নোহোৱাকৈ (

আৰু
– ‘ৰ’ লগাই (
)

ৰাইজে নিজে চেষ্টা কৰি চাব পাৰে |

নোট: –
১) অবশ্যে, কিছু অসমীয়া ৱেবপেজত ‘ৰ’ আখৰটো ব্যবহাৰ নহ’বও পাৰে | এই কিটিপটোৱে তেনে ৱেবপেজ বিচাৰি নাপাব | কিন্তু তেনে ৱেবপেজ বোধহয় নামমাত্র পৰিমানতহে আছে, কাৰণ অসমীয়াত ‘ৰ’ আখৰটো বেছিকৈ ব্যৱহাৰ হয় ।
২) শেষৰ চার্ছ টার্মটো অলপমান দীঘলীয়া কৰি বাকী ৱেবপেজবোৰো বিচাৰি উলিয়াব পাৰি । উদাহৰন হিছাপে, ‘ৰ’ আখৰটোৰ ঠাইত যদি ‘ৰ OR ৱ’ শেষত যোগ দিয়া হয়, ‘ৱ’ থকা অসমীয়া ৱেবপেজবোৰো বিচাৰি পোৱা যাব ।

Subscribe
Notify of
2 Comments
Oldest
Newest Most Voted
Inline Feedbacks
View all comments
ৰঞ্জিত দত্ত (কুশল)
8 years ago

হাঃহাঃহাঃ…. গুগুল’ক টুপী পিন্ধোৱাৰ সহজ বুদ্ধি দেখোন!

জর্জ এন্জেলছ্‍ উইলশ্বন মিজু মরাং
8 years ago

buddhitu sheshthaa..