ঠিকনা : মৈত্ৰেয়ী পাটৰ


তুমি নদীৰ পৰা আহিছা?
বৰষুণৰ দৰে গোন্ধাইছে তোমাৰ গা
গুটিমালীৰ দৰে ফুলিছে
তোমাৰ থুপি থুপি কথা
কথাই নে সেয়া?
নে বৰষুণৰ কোমল চিনাকি আশা?
কথাৰ কেঁচা বাটত
মুঠি মুঠি মেঘ সানিছা
ভীষণ নিবিৰ হৈ তুমি নামি আহিছা
ওঁঠত লৈ আনিছা ভিজা মাটিৰ সুহুৰি
গান এটা হৈ সি বাগৰি ফুৰিছে
পথাৰে পথাৰে
গছে গছে
বুকুৱে বুকুৱে..
আমৰ ডালে ডালে আকৌ ফুলিছে
তোমাৰ বৰষুণ যেন কথা
সঁচাই কোৱাচোন,
ক’ৰ পৰা আহিছা?
আজি যে আকৌ বৰষুণৰ দৰে গোন্ধাইছা..

Subscribe
Notify of
0 Comments
Inline Feedbacks
View all comments
কপি নকৰিব, অনুগ্ৰহ কৰি লিংকটো বিলাই দিয়ক